2022-06-14

რა უნდა გაითვალისწინოთ, სანამ კრიპტოვალუტაში ინვესტირებას გადაწყვეტთ

კრიპტოვალუტის გამოჩენამ სრულიად შეცვალა ადამიანების ხედვა ფინანსებისა და მათი გამომუშავების შესახებ. დღევანდელ ბლოგში მიმოვიხილავთ ინვესტირების მნიშვნელობებს და გავეცნობით იმ აუცილებელ რჩევებს, რომელიც კრიპტოვალუტაში ინვესტირებამდე გამოგადგებათ.

რა არის კრიპტოვალუტა?

კრიპტოვალუტა დეცეტრალიზებული ციფრული ვალუტაა, რომლის ყიდვა-გაყიდვაც კრიპტობირჟის საშუალებითაა შესაძლებელი. მისი მოთხოვნადობისა და პოპულარულობის მიზეზი გადაცემათა სიმარტივეა, სადაც მესამე მხარის ან შუამავლის ჩართულობა საერთოდ არ არის საჭირო.

როგორ იღებს კრიპტო ღირებულებას?

კრიპტოვალუტის მიწოდების მექანიზმი საყოველთაოდ ცნობილია. თითოეული კრიპტოს შემქმნელი კომპანია აქვეყნებს სიმბოლოების მოჭრისა და დაწვის გეგმებს. მაგალითად: Bitcoin-ს აქვს ფიქსირებული რაოდენობის მიწოდება, რადგან ოდესღაც იქნება მხოლოდ 21 მილიონი ბიტკოინი და მარაგი ამით ამოიწურება. თუმცა, არსებობენ კრიპტოვალუტები, რომლებსაც მიწოდების ლიმიტი არ გააჩნიათ, ასეთია Ethereum. ზოგიერთი კრიპტოვალუტა იყენებს სპეციფიკურ მექანიზმს, რომელიც არსებული ტოკენების დაწვას ითვალისწინებს პოტენციური ინფლაციის შენელების მიზნით.

კრიპტოვალუტის მოთხოვნადობა შეიძლება გაიზარდოს მისი კონკრეტული პროექტის ცნობადობის გაზრდის ან სოციალური სარგებლიანობის გაზრდის პროპორციულად. კრიპტო, როგორც ფართო ინვესტირების არეალი, თავისმხრივ ზრდის მოთხოვნას და მიმოქცევის ჩარჩოებში ზღუდავს მიწოდებას. მაგალითად: 2021 წელს ინვესტორების ნაწილმა გადაწყვიტა ბიტკოინის ყიდვა და შენახვა, რამაც შედეგად მისი ფასის ზრდა გამოიწვია. ვინაიდან მოთხოვნამ ახალი მონეტების შექმნის ტემპს გადააჭარბა, შემცირდა ბიტკოინის ზოგადი ხელმისაწვდომობა.

რას ნიშნავს ინვესტირება?

წარმოიდგინეთ, რომ თქვენ გაქვთ გარკვეული რაოდენობის თანხა, რომლითაც გსურთ იყიდოთ კონკრეტული ქონება, იმის იმედით, რომ სამომავლოდ მისი ღირებულება გაიზრდება და თქვენც გარკვეულ მოგებას ნახავთ. ინვესტირება ყველგანაა და ის მხოლოდ თანხის ჩადებას და სანაცვლოდ უფრო მეტის ან ნაკლების მიღებას არ გულისხმობს. მაგალითად, ბიზნეს ინვესტირება თანხის, დროის ან რესურსის ისეთ კომპანიაში დაბანდებაა, რომელიც თქვენი აზრით მომავალში ბევრად მეტს გამოიმუშავებს.



ასევე, არსებობს განათლებაში ინვესტიციაც. მოსწავლე, სტუდენტი ან ნებისმიერი სხვა პირი, რომელიც განათლებას იღებს, აკეთებს საკუთარი შრომისა და დროის ინვესტიციას, რათა მიღებული განათლებით იმაზე მეტი გამოიმუშავოს, ვიდრე სწავლის დაწყებამდე ჰქონდა.

რა უპირატესობები აქვს კრიპტოვალუტაში ინვესტირებას?

კრიპტოვალუტაში ინვესტიცია ნიშნავს შემოსავლის მიღებას მისი ტექნოლოგიური მომავლის მხარდაჭერით.


კრიპტოვალუტების უმეტესობას აქვს მიწოდების შეზღუდული რაოდენობა რაც, მათემატიკური ალგორითმებითაა შემოფარგლული, რაც პოლიტიკური ორგანოს ან სამთავრობო უწყების მხრიდან მათი ღირებულების შემცირებას ინფლაციის გზით შეუძლებელს ხდის. უფრო მეტიც, კრიპტოვალუტის კრიპტოგრაფიული ბუნების გამო შეუძლებელია ტოკენების დაბეგვრა ან მისი კონფისკაცია მფლობელთან თანამშრომლობის გარეშე.

კრიპტოვალუტა უსაფრთხოა

კრიპტოვალუტის მზარდი და მისაღები ღირებულების გარდა მის მოთხოვნადობაზე უსაფრთხოების მაღალი ნორმები მოქმედებს. კრიპტოვალუტა ბლოკჩეინ ტექნოლოგიით არის აგებული, რომელიც ბაზარზე პოზიციონირდება როგორც ყველაზე უსაფრთხო და კონფიდენციალური სისტემა. კონკრეტული ტრანზაქციის მოკვლევა არც ისე მარტივია, რადგან ამის გასაგებად საჭიროა მთელი რიგი პროცესების განხორციელება. თუ გსურთ ბლოკჩეინზე უფრო მეტი ინფორმაცია მიიღოთ, უყურეთ ჩვენს იუთუბ არხზე ტექნოლოგიის მიმოხილვას დამწბებებისათვის.


უკეთესი საკომისიო პირობები

საბანკო და ფინანსური ინსტიტუტები ფაქტობრივად ყველა ტიპის მომსახურებაზე გადასახადს აწესებენ. თუ გსურთ, რომ გახსნათ ან შეინახოთ ანგარიში, გამოიყენოთ საკრედიტო ბარათი და ა.შ. ამ ყველაფერს გარკვეული საკომისიო აქვს, რაც საბოლოო ჯამში დიდი ოდენობის თანხებად ყალიბდება. კრიპტოვალუტის გამოყენების შემთხვევაში კი პროცენტები ძირითადად სიმბოლური და გაცილებით ნაკლებია, ვიდრე ბანკში.

კრიპტოვალტების ნაირსახეობა

მოგეხსენებათ, პირველი კრიპტოვალუტა ბიტკოინია, რომლის მოპოვებაც დასაწყისში საკმაოდ რთული გახლდათ. დროთა განმავლობაში ბაზარზე უამრავი კრიპტოვალუტა გამოჩნდა, მათი ყიდვა კი კრიპტობირჟებითაა შესაძლებელი. არჩევნის თავისუფლებასთან ერთად, მოქნილი სისტემა ყიდვა-გაყიდვის პროცესს მეტად კომფორტულს ხდის. ახლა უკვე ძალიან მოკლე დროში შეგიძლიათ შეიძინოთ სასურველი ღირებულებისა და რაოდენობის კრიპტოვალუტა.

კრიპტოვალუტა პასიური შემოსავლის წყაროა

პასიური შემოსავალი კრიპტოვალუტის ერთ-ერთი ყველაზე მიმზიდველი და სარფიანი მხარეა. დეცენტრალიზირებული ფინანსების (DeFi) ინვესტორებს დაკრედიტებისა თუ ვაჭრობის საშუალებით თავიანთი კრიპტოს საერთო ეკოსისტემის ნაწილად ქცევა შეუძლიათ. თავად DeFi ბლოკჩეინიდან გამომდინარეობს, რომელიც რამდენიმე სუბიექტს ტრანზაქციების ისტორიის ასლების მიღების საშუალებას აძლევს. ამგვარად გამოდის, რომ მას ერთი ცენტრალური ობიექტი არ აკონტროლებს. ადამიანებს თავად შეუძლიათ შეზღუდონ ტრანზაქციების სიჩქარე და დახვეწილობა, ხოლო მომხმარებლებს შესთავაზონ არაპირდაპირი კონტროლი თავიანთ ფულზე.

ამ ტიპის შემოსავლები მნიშვნელოვნად განსხვავდება სხვადასხვა პლატფორმებზე. კერძოდ, მომხმარებელს 3%-14% სარგებლის მიღება შეუძლია წამყვანი კრიპტოვალუტების ფსონებით.

რა უნდა გაითვალისწინოთ კრიპტოვალუტაში ინვესტირებამდე?

ჩვენ ინვესტირებისა და კრიპტოვალუტების შესახებ ზოგად საკითხებს უკვე შევეხეთ. ახლა კი დადგა დრო გავეცნოთ იმ მნიშვნელოვან რეკომენდაციებს, რომლებიც დამწყები ინვესტორებისათვის ერთგვარი კონსპექტის როლს თამაშობს.

შეისწავლეთ გარემო იქ, სადაც ინვესტირებას აპირებთ

ინვესტიციების სამყაროში არსებობს ერთი ოქროს წესი - დეტალურად შეისწავლეთ გარემო, სადაც ინვესტირებას აპირებთ. მნიშვნელოვანია, დეტალურად გაეცნოთ კომპანიებს, შეისწავლოთ მათი მიზნები და ხედვა. კრიპტო სამყაროშიც ასეა.



ბევრი კრიპტოვალუტა შემოდის ბაზარზე დიდი ამბიციებით, თუმცა, გარკვეულ მომენტებში მათი ფასი მალევე ეცემა. მაგალითად ლუნა საოცარ ზრდას განიცდიდა, თუმცა, დღეს იგი გაუფასურებულია. ასე, რომ აუცილებელია ყველა დადებითი თუ უარყოფითი მხარის კრიტიკული შეფასება და რაც შეიძლება მეტი ინფორმაციის მოძიება საკითხთან დაკავშირებით.

შექმენით საინვესტიციო სტრატეგია

წარმატებულ ინვესტორთა კრიპტო აქტივების გასამყარებლად სამოქმედო გეგმას ადგენს. ეს შეიძლება მოიცავდეს ყიდვა-გაყიდვის ლიმიტს, რომელიც გულისხმობს კრიპტოს გატანას ან ინვესტირებას მის კონკრეტულ ნიშნულზე. ზოგიერთი კრიპტო ბირჟა ბაზარზე არსებული ტრეიდერების ნაბიჯების დაკოპირების საშუალებასაც იძლევა. ასეთი ტიპის დახმარებები დამწყებ ინვესტორებს რეალურ ინვესტიციებთან ურთიერთობას უმარტივებს და დამოუკიდებელი სტრატეგიების შემუშავებას ასწავლის.

აირჩიეთ კარგი კრიპტო ბირჟა

ბაზარზე უამრავი კრიპტო ბირჟაა წარმოდგენილი, ისინი მომხმარებლებს განსხვავებულ პირობებსა და შესაძლებლობებს სთავაზობენ. გარდა ციფრული საფულის უსაფრთხოებისა, მნიშვნელოვანია შემოთავაზებული კრიპტო-კატალოგი და მათი შეძენის სიმარტივე.

გაეცანით კრიპტოვალუტის Whitepaper-ს

Whitepaper, იგივე თეთრი ფურცელი კრიპტო მონეტის შესახებ მნიშვნელოვან ინფორმაციას გვაწვდის. ის წარმოადგენს მონეტის მიზნისა და საერთო მახასიათებლების ოფიციალურ აღწერას. კრიპტოვალუტების ვებსაიტებზე ძირითადად გამოტანილია მხოლოდ ის ინფორმაციები, რაც კონკრეტული მონეტის მარკეტინგულ მიზნებში ჯდება. ზოგიერთი ვებსაიტი კი სრულად აღწერს Whitepaper-ის შინაარსს, რაც მისი სანდოობის ნიშნულს ერთი-ორად ზრდის.

კრიპტოვალუტის მოუწესრიგებელ ვებსაიტზე თვალის დახუჭვა შეიძლება, თუმცა Whitepaper-ის არ ქონა მნიშვნელოვანი განაჩენია.

უფრთხილდით თაღლითებს

ჰაკერები, ფიშერები და ზოგადად ციფრული თაღლითები კრიპტოვალუტის გაჩენასთან ერთად უფრო მომრავლდნენ. სოციალურ მედიაში ხშირად შეხვდებით გარკვეულ წამოწყებებს, რომლებიც მარტივი ფულის შოვნას გვპირდებიან, რეალურად კი საზოგადოება თაღლითურ სქემაში შეჰყავთ. ამის მიზეზი, პირველ რიგში არაინფორმირებულობა და ამ მიმართულებით ცოდნის ნაკლებობაა.

დაიცავით პირადი უსაფრთხოება

კრიპტოვალუტის უსაფრთხოება ის უმნიშვნელოვანესი საკითხია, რაც ინვესტირებამდე უნდა გაითვალისწინოთ.

არსებობს ორი ტიპის საფულე - ცხელი და ცივი. ცხელი საფულე მოკლევადიანი ინვესტიციებისთვის გამოიყენება, რა დროსაც ინვესტორი ხშირად მოიხმარს მას გადარიცხვების მიზნით.



რაც შეეხება ცივ საფულეს, ის ძირითადად ისეთი ინვესტიციების შესანახადაა შექმნილი, რომლის გამოყენებასაც ინვესტორი დიდი ხნის განმავლობაში არ აპირებს. ასეთი საფულეების დაცულობა უფრო მაღალია, რადგან ჰაკერებს დიდი ოდენობის თანხები უფრო იზიდავთ.